بۇل تۋرالى پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ كەڭەيتىلگەن وتىرىسىندا "جاستار" عىلىمي-زەرتتەۋ ورتالىعىنىڭ ديرەكتورى جانار بۇقانوۆا مالىمدەگەن.  مالىمەتكە ساي دۇنيەجۇزىلىك دەنساۋلىق ساقتاۋ ۇيىمىنىڭ جانە يۋنيسەف دەرەكتەرىنە سايكەس، قازاقستان سۋيسيد جيىلىگى ءجۇز مىڭ ادامعا شاققاندا 15 وقيعا قۇرايتىن ەلدەردىڭ قاتارىنا كىرەدى. قازاقستاندا وز-وزىنە قول جۇمساۋ فاكتىلەرى، كوبىنەسە 15-19 جاس ارالىعىنداعى بوزبالالار مەن بويجەتكەندەر اراسىندا كەزدەسەدى.

Nur.kz سايتىندا جازىلعان اقپاراتقا ساي، 2012-2013-جىلدارى قازاقستان بوزبالالار ءولىمى بويىنشا ەكىنشى ورىندا، ال بويجەتكەندەر ءولىمى بويىنشا - ءبىرىنشى ورىندا بولعان.

"قازاقستاندا 15-19 جاس ارالىعىنداعى 31 مىڭنان استام ءجاسوسپىرىم وزىنە-وزى قول سالۋ سالدارىنان اجالىنان بۇرىن ولگەن. بۇگىندە وسى جاستاعى بويجەتكەندەر مەن بوزبالالار اراسىنداعى سۋيسيد تۇركيا مەن قازاقستاندا ءجيى كەزدەسەدى. قايعىلى وقيعالاردىڭ كوپ جاعدايلارى بالالاردىڭ الكوگولدىك ىشىمدىكتەردى تۇتىنىپ، ناشاقورلىققا بەرىلۋىنەن بولىپ جاتادى"، - دەپ مالىمدەگەن جانار بۇقانوۆا ءوز سوزىندە. قامشى-اقپارات